असा᳚वि दे॒वं गोऋ᳚जीक॒मन्धो॒ न्य᳚स्मि॒न्निन्द्रो᳚ ज॒नुषे᳚मुवोच ।
बोधा᳚मसि त्वा हर्यश्व य॒ज्ञैर्बोधा᳚ न॒ः स्तोम॒मन्ध᳚सो॒ मदे᳚षु ॥
बोधा᳚मसि त्वा हर्यश्व य॒ज्ञैर्बोधा᳚ न॒ः स्तोम॒मन्ध᳚सो॒ मदे᳚षु ॥
पदपाठः (Word-by-word)
असा᳚वि । दे॒वम् । गो॑ऋ᳚जीकम् । अन्धः᳚ । नि । अ॒स्मि॒न् । इन्द्रः᳚ । ज॒नुषा᳚ । ई॒म् । उ॒वो॒च॒ ।
बोधा᳚मसि । त्वा॒ । ह॒रि॒॑अ॒श्व॒ । य॒ज्ञैः । बोध᳚ । नः॒ । स्तोम᳚म् । अन्ध᳚सः । मदे᳚षु ॥
बोधा᳚मसि । त्वा॒ । ह॒रि॒॑अ॒श्व॒ । य॒ज्ञैः । बोध᳚ । नः॒ । स्तोम᳚म् । अन्ध᳚सः । मदे᳚षु ॥
सायणभाष्यम् (Sayana Commentary)
देवं दीप्तं गोऋजीकं गोभिः संस्कृतं गव्येन मिश्रितमित्यर्थः अंधः सोमरूपमन्नं असावि अभिषुतम् । ईमयमिन्द्रोस्मिन्नभिषुते सोमरूपधसि जनुषा स्वभावतएव न्युवोच नितरां संगतो भवति । अथ प्रत्यक्षस्तुतिः हे हर्यश्व त्वा त्वां यज्ञैः स्तोत्रैः हविर्भिर्वा बोधामसि बोधयामः । अन्धसः सोमस्य मदेषु नोस्माकं स्तोमं स्तोत्रं बोध बुध्यस्व च ॥ १ ॥