प्र य᳚न्ति य॒ज्ञं वि॒पय᳚न्ति ब॒र्हिः सो᳚म॒मादो᳚ वि॒दथे᳚ दु॒ध्रवा᳚चः ।
न्यु᳚ भ्रियन्ते य॒शसो᳚ गृ॒भादा दू॒रउ᳚पब्दो॒ वृष᳚णो नृ॒षाचः᳚ ॥
न्यु᳚ भ्रियन्ते य॒शसो᳚ गृ॒भादा दू॒रउ᳚पब्दो॒ वृष᳚णो नृ॒षाचः᳚ ॥
पदपाठः (Word-by-word)
प्र । य॒न्ति॒ । य॒ज्ञम् । वि॒पय᳚न्ति । ब॒र्हिः । सो॒म॒॑मादः᳚ । वि॒दथे᳚ । दु॒ध्र॑वा᳚चः ।
नि । ऊं॒ इति᳚ । भ्रि॒य॒न्ते॒ । य॒शसः᳚ । गृ॒भात् । आ । दू॒रे॑उ᳚पब्दः । वृष᳚णः । नृ॒॑साचः᳚ ॥
नि । ऊं॒ इति᳚ । भ्रि॒य॒न्ते॒ । य॒शसः᳚ । गृ॒भात् । आ । दू॒रे॑उ᳚पब्दः । वृष᳚णः । नृ॒॑साचः᳚ ॥
सायणभाष्यम् (Sayana Commentary)
यज्ञंप्रयन्ति यष्टारः बर्हिश्च विपयन्ति स्तृणन्ति । विपिः स्तरणकर्मा विदथे यज्ञे सोममादोग्रावाणश्च दुध्रवाचः दुर्धरवाचोभवन्ति । अपि च यशसो यशस्विनो दूरउपब्दः दूरेउपब्दिः शब्दो येषां ते दूरउपब्दः नृषाचः नॄन्नेतॄनृत्विजः सचन्तइति नृषाचो वृषणो ग्रावाणो गृभात् गृहात् गृहमध्यमग्रावा तस्मात् आइति चार्थे निभ्रियन्ते अभिषववेलायां निगृह्यन्ते । उइति परणः ॥ २ ॥