अ॒भि क्रत्वे᳚न्द्र भू॒रध॒ ज्मन्न ते᳚ विव्यङ्महि॒मानं॒ रजां᳚सि ।
स्वेना॒ हि वृ॒त्रं शव᳚सा ज॒घन्थ॒ न शत्रु॒रन्तं᳚ विविदद्यु॒धा ते᳚ ॥
स्वेना॒ हि वृ॒त्रं शव᳚सा ज॒घन्थ॒ न शत्रु॒रन्तं᳚ विविदद्यु॒धा ते᳚ ॥
पदपाठः (Word-by-word)
अ॒भि । क्रत्वा᳚ । इ॒न्द्र॒ । भूः॒ । अध᳚ । ज्मन् । न । ते॒ । वि॒व्य॒क् । म॒हि॒मान᳚म् । रजां᳚सि ।
स्वेन᳚ । हि । वृ॒त्रम् । शव᳚सा । ज॒घन्थ᳚ । न । शत्रुः᳚ । अन्त᳚म् । वि॒वि॒द॒त् । यु॒धा । ते॒ ॥
स्वेन᳚ । हि । वृ॒त्रम् । शव᳚सा । ज॒घन्थ᳚ । न । शत्रुः᳚ । अन्त᳚म् । वि॒वि॒द॒त् । यु॒धा । ते॒ ॥
सायणभाष्यम् (Sayana Commentary)
हे इन्द्र त्वं क्रत्वा कर्मणा ज्मन् पृथिव्यां वर्तमानान् जन्तून्वा अभिभूः अभ्यभूः अधापिच ते तव महिमानं रजांसि सर्वेलोका न विव्यक् व्यचिर्व्याप्तिकर्मा न व्याप्नुवन्नित्यर्थः स्वेन हि आत्मीयेन च शवसा बलेन वृत्रं जघंथ त्वमवधीः शत्रुश्च युधा युद्धेन ते तवांतं हिंसां न विविदत् नलब्धवान् ॥ ६ ॥