तन्नो॒ राय॒ः पर्व᳚ता॒स्तन्न॒ आप॒स्तद्रा᳚ति॒षाच॒ ओष᳚धीरु॒त द्यौः ।
वन॒स्पति᳚भिः पृथि॒वी स॒जोषा᳚ उ॒भे रोद᳚सी॒ परि᳚ पासतो नः ॥
वन॒स्पति᳚भिः पृथि॒वी स॒जोषा᳚ उ॒भे रोद᳚सी॒ परि᳚ पासतो नः ॥
पदपाठः (Word-by-word)
तत् । नः॒ । रायः᳚ । पर्व᳚ताः । तत् । नः॒ । आपः᳚ । तत् । रा॒ति॒॑साचः᳚ । ओष᳚धीः । उ॒त । द्यौः ।
वन॒स्पति᳚॑भिः । पृ॒थि॒वी । स॒॑जोषाः᳚ । उ॒भे इति᳚ । रोद᳚सी॒ इति᳚ । परि᳚ । पा॒स॒तः॒ । नः॒ ॥
वन॒स्पति᳚॑भिः । पृ॒थि॒वी । स॒॑जोषाः᳚ । उ॒भे इति᳚ । रोद᳚सी॒ इति᳚ । परि᳚ । पा॒स॒तः॒ । नः॒ ॥
सायणभाष्यम् (Sayana Commentary)
नोस्माकं तदित्यव्ययः ता रायोधनानि पर्वताः परिपान्तु नोस्माकं तत् ता रायः आपश्च परिपान्तु तद्रातिषाचोदानसहितादेवपत्न्यश्च परिपान्तु ओषधीरोषधयश्च तत्परिपान्तु उतापिच द्यौस्तत्परिपातु वनस्पतिभिः सजोषाः सहिता पृथिव्यन्तरिक्षं च तत्परिपातु आपः पृथिवीत्यन्तरिक्षनामसु पाठात् नोस्माकं तदुभेरोदसी द्यावापृथिव्यावपि परिपासतः परिरक्षतां ॥ २३ ॥