तन्न॒ इन्द्रो॒ वरु᳚णो मि॒त्रो अ॒ग्निराप॒ ओष᳚धीर्व॒निनो᳚ जुषन्त ।
शर्म᳚न्त्स्याम म॒रुता᳚मु॒पस्थे᳚ यू॒यं पा᳚त स्व॒स्तिभि॒ः सदा᳚ नः ॥
शर्म᳚न्त्स्याम म॒रुता᳚मु॒पस्थे᳚ यू॒यं पा᳚त स्व॒स्तिभि॒ः सदा᳚ नः ॥
पदपाठः (Word-by-word)
तत् । नः॒ । इन्द्रः᳚ । वरु᳚णः । मि॒त्रः । अ॒ग्निः । आपः᳚ । ओष᳚धीः । व॒निनः᳚ । जु॒ष॒न्त॒ ।
शर्म᳚न् । स्या॒म॒ । म॒रुता᳚म् । उ॒प॑स्थे᳚ । यू॒यम् । पा॒त॒ । स्व॒स्ति॑भिः᳚ । सदा᳚ । नः॒ ॥
शर्म᳚न् । स्या॒म॒ । म॒रुता᳚म् । उ॒प॑स्थे᳚ । यू॒यम् । पा॒त॒ । स्व॒स्ति॑भिः᳚ । सदा᳚ । नः॒ ॥
सायणभाष्यम् (Sayana Commentary)
नोस्मभ्यं तदिदं स्तोत्रमिन्द्रोवरुणश्च मित्रश्चाग्निश्चापश्चौषधीरोषधयश्च वनिनोवृक्षाश्च जुषन्त जुषन्तां सेवन्ताम् । वयं च मरुतामुपस्थे उपस्थाने वर्तमानाः शर्मन् शर्मणि सुखे गृहे वा स्याम भवेम सिद्धमन्यत् ॥ २५ ॥
शंनैन्द्राग्नीति पंचदशर्चं द्वितीयं सूक्तं अत्रेयमनुक्रमणिका-शंनः पंचोना शान्तिरिति । वसिष्ठऋषिः त्रिष्टुपछन्दः वैश्वदेवंहेत्युक्तत्वा- दिदमपि वैश्वदेवम् । महानाम्नीव्रते एतत्सूक्तंजप्यं तथाचसूत्रितं-भद्रंकर्णेभिःशृणुयामदेवाः शंनइन्द्राग्नीभवतामवोभिरिति एवमेतासु ।