यं त्राय᳚ध्व इ॒दमि᳚दं॒ देवा᳚सो॒ यं च॒ नय᳚थ ।
तस्मा᳚ अग्ने॒ वरु᳚ण॒ मित्रार्य᳚म॒न्मरु᳚त॒ः शर्म᳚ यच्छत ॥
तस्मा᳚ अग्ने॒ वरु᳚ण॒ मित्रार्य᳚म॒न्मरु᳚त॒ः शर्म᳚ यच्छत ॥
पदपाठः (Word-by-word)
यम् । त्राय᳚ध्वे । इ॒दम्॑इ᳚दम् । देवा᳚सः । यम् । च॒ । नय᳚थ ।
तस्मै᳚ । अ॒ग्ने॒ । वरु᳚ण । मित्र᳚ । अर्य᳚मन् । मरु᳚तः । शर्म᳚ । य॒च्छ॒त॒ ॥
तस्मै᳚ । अ॒ग्ने॒ । वरु᳚ण । मित्र᳚ । अर्य᳚मन् । मरु᳚तः । शर्म᳚ । य॒च्छ॒त॒ ॥
सायणभाष्यम् (Sayana Commentary)
हे देवासोदेवाः इदमिदं इतोभयहेतोः यं स्तोतारं त्रायध्वे पालयध्वे यं च स्तोतारं नयथ सन्मार्गं प्रापयथ हे अग्ने वरुण मित्र अर्यमन् हे मरुतः एवंभूता हे देवाः तस्मै स्तोत्रे शर्म सुखं यच्छत दत्त ॥ १ ॥