सांत᳚पना इ॒दं ह॒विर्मरु᳚त॒स्तज्जु᳚जुष्टन ।
यु॒ष्माको॒ती रि᳚शादसः ॥
यु॒ष्माको॒ती रि᳚शादसः ॥
पदपाठः (Word-by-word)
सान्॑त᳚पनाः । इ॒दम् । ह॒विः । मरु᳚तः । तत् । जु॒जु॒ष्ट॒न॒ ।
यु॒ष्माक᳚ । ऊ॒ती । रि॒शा॒द॒सः॒ ॥
यु॒ष्माक᳚ । ऊ॒ती । रि॒शा॒द॒सः॒ ॥
सायणभाष्यम् (Sayana Commentary)
सांतपनाः शत्रूणां संतापकाः हे मरुतः इदं प्रत्यक्षेणोपलभ्यमानं हविः युष्मभ्यं कल्पितमितिशेषः हे रिशादसः रिशतां हिंसतां असितारः रिशानामत्तारोवा यूयं युष्माक युष्माकं ऊती ऊत्या रक्षया तत्तादृशं हविर्जुजुष्टन सेवध्वम् ॥ ९ ॥
गृहमेधासइति गृहमेधीयस्य हविषोनुवाक्या सूत्रितंच- गृहमेधासआगत प्रबुध्र्यावईरतेमहांसीति ।