यो नो᳚ मरुतो अ॒भि दु᳚र्हृणा॒युस्ति॒रश्चि॒त्तानि᳚ वसवो॒ जिघां᳚सति ।
द्रु॒हः पाशा॒न्प्रति॒ स मु᳚चीष्ट॒ तपि᳚ष्ठेन॒ हन्म᳚ना हन्तना॒ तम् ॥
द्रु॒हः पाशा॒न्प्रति॒ स मु᳚चीष्ट॒ तपि᳚ष्ठेन॒ हन्म᳚ना हन्तना॒ तम् ॥
पदपाठः (Word-by-word)
यः । नः॒ । म॒रु॒तः॒ । अ॒भि । दुः॒॑हृ॒णा॒युः । ति॒रः । चि॒त्तानि᳚ । व॒स॒वः॒ । जिघां᳚सति ।
द्रु॒हः । पाशा᳚न् । प्रति᳚ । सः । मु॒ची॒ष्ट॒ । तपि᳚ष्ठेन । हन्म᳚ना । ह॒न्त॒न॒ । तम् ॥
द्रु॒हः । पाशा᳚न् । प्रति᳚ । सः । मु॒ची॒ष्ट॒ । तपि᳚ष्ठेन । हन्म᳚ना । ह॒न्त॒न॒ । तम् ॥
सायणभाष्यम् (Sayana Commentary)
हे वसवः प्रशस्या हे मरुतः नोस्मदीयानि चित्तानि दुर्हृणायुः अशोभनं क्रुध्यन् तिरः सर्वैस्तिरस्कृतोयोजनः अभिजिघांसति आभिमुख्येन हन्तुमिच्छति सजनः द्रुहः पापानां द्रोग्धुर्वरुणस्य पाशान् अस्मासु प्रतिसमुचीष्ट बध्नीयात् यूयं तं जनं तपिष्ठेन तप्तुतमेन हन्मना हननसाधनेनायुधेन हन्तन हत हिंस्त ॥ ८ ॥