यु॒ष्माकं᳚ देवा॒ अव॒साह᳚नि प्रि॒य ई᳚जा॒नस्त᳚रति॒ द्विषः᳚ ।
प्र स क्षयं᳚ तिरते॒ वि म॒हीरिषो॒ यो वो॒ वरा᳚य॒ दाश᳚ति ॥
प्र स क्षयं᳚ तिरते॒ वि म॒हीरिषो॒ यो वो॒ वरा᳚य॒ दाश᳚ति ॥
पदपाठः (Word-by-word)
यु॒ष्माक᳚म् । दे॒वाः॒ । अव᳚सा । अह᳚नि । प्रि॒ये । ई॒जा॒नः । त॒र॒ति॒ । द्विषः᳚ ।
प्र । सः । क्षय᳚म् । ति॒र॒ते॒ । वि । म॒हीः । इषः᳚ । यः । वः॒ । वरा᳚य । दाश᳚ति ॥
प्र । सः । क्षय᳚म् । ति॒र॒ते॒ । वि । म॒हीः । इषः᳚ । यः । वः॒ । वरा᳚य । दाश᳚ति ॥
सायणभाष्यम् (Sayana Commentary)
हे देवाः युष्माकं युष्मदीयेन अवसा रक्षणेन प्रिये अहनि सर्वेषां देवानां प्रियभूते सुत्याभिधाने दिवसे ईजानः इष्टवान् जनः द्विषः शत्रून् तरति आक्रामति सयजमानः क्षयं स्वकीयं निवासं प्रतिरते प्रवर्धयति । योयजमानः वोयुष्मभ्यं महीः महान्ति इषः हविर्लक्षणान्यन्नानि वराय निवारणाय यूयं नान्यत्रगच्छत अस्मदीयान्येव हवींषि स्वीकुरुतेति निरोधनं कर्तुं विदाशति विशेषेण ददाति अतएव स्वकीयं निवासं वर्धयतीत्यर्थः ॥ २ ॥