जनानां सर्वप्राणिनां पथ्या पथिहितोषाः व्यावः व्यौच्छत् । यद्वा जनानां हिताय व्यौच्छदिति योज्यम् । किंकुर्वती मानुषीर्मनुष्यरूपाः पञ्चक्षितीः निषादपञ्चमांश्चतुरोवर्णान्बोधयन्ती ईदृश्युषाः । सुसन्दृग्भिः सन्दृश्यते सन्दर्शयतीतिवा सन्दृक् तेजः सुतेजोभिः उक्षभिः गोभिर्भानुमश्रेत् । अरुणैरुषाआजिमधावन्नितिहिश्रुतिः । अरुण्योगावउषसामितिनिरुक्तम् । सूर्यश्च रोदसी द्यावापृथिव्यौ तमोयुक्ते चक्षसा प्रकाशकेन तेजसा व्यावोविवृणोति ॥ १ ॥