अस॒न्नित्त्वे आ॒हव᳚नानि॒ भूरि॒ भुवो॒ विश्वे᳚भिः सु॒मना॒ अनी᳚कैः ।
स्तु॒तश्चि᳚दग्ने शृण्विषे गृणा॒नः स्व॒यं व᳚र्धस्व त॒न्वं᳚ सुजात ॥
स्तु॒तश्चि᳚दग्ने शृण्विषे गृणा॒नः स्व॒यं व᳚र्धस्व त॒न्वं᳚ सुजात ॥
पदपाठः (Word-by-word)
अस᳚न् । इत् । त्वे इति᳚ । आ॒॑हव᳚नानि । भूरि᳚ । भुवः᳚ । विश्वे᳚भिः । सु॒॑मनाः᳚ । अनी᳚कैः ।
स्तु॒तः । चि॒त् । अ॒ग्ने॒ । शृ॒ण्वि॒षे॒ । गृ॒णा॒नः । स्व॒यम् । व॒र्ध॒स्व॒ । त॒न्व᳚म् । सु॒॑जा॒त॒ ॥
स्तु॒तः । चि॒त् । अ॒ग्ने॒ । शृ॒ण्वि॒षे॒ । गृ॒णा॒नः । स्व॒यम् । व॒र्ध॒स्व॒ । त॒न्व᳚म् । सु॒॑जा॒त॒ ॥
सायणभाष्यम् (Sayana Commentary)
हे अग्ने त्वे त्वयि आहवनानि हवींषि आहुतयोवा भूरि बहूनि असन्नित् भवन्त्येव । त्वं च विश्वेभिर्विश्वैरनीकैस्तेजोभिः त्वद्विभूतिभिः अग्निभिर्वा सह सुमनाः भुवोभव । हे अग्ने स्तुतश्चित् स्तोतुः स्तौतीतिस्तुत स्तोत्रं श्रृण्विषे श्रृणु हे सुजात कल्याण प्रादुर्भावाग्ने गृणानः स्तुयमानस्त्वं स्वयं स्वयमेव तन्वं स्वांतनुं मम तनुं वा वर्धस्व वर्धयस्व ॥ ५ ॥