इ॒दं वचः᳚ शत॒साः संस᳚हस्र॒मुद॒ग्नये᳚ जनिषीष्ट द्वि॒बर्हा᳚ः ।
शं यत्स्तो॒तृभ्य᳚ आ॒पये॒ भवा᳚ति द्यु॒मद᳚मीव॒चात᳚नं रक्षो॒हा ॥
शं यत्स्तो॒तृभ्य᳚ आ॒पये॒ भवा᳚ति द्यु॒मद᳚मीव॒चात᳚नं रक्षो॒हा ॥
पदपाठः (Word-by-word)
इ॒दम् । वचः᳚ । श॒त॒॑साः । सम्॑स᳚हस्रम् । उत् । अ॒ग्नये᳚ । ज॒नि॒षी॒ष्ट॒ । द्वि॒॑बर्हाः᳚ ।
शम् । यत् । स्तो॒तृ॑भ्यः᳚ । आ॒पये᳚ । भवा᳚ति । द्यु॒॑मत् । अ॒मी॒व॒॑चात᳚नम् । र॒क्षः॒॑हा ॥
शम् । यत् । स्तो॒तृ॑भ्यः᳚ । आ॒पये᳚ । भवा᳚ति । द्यु॒॑मत् । अ॒मी॒व॒॑चात᳚नम् । र॒क्षः॒॑हा ॥
सायणभाष्यम् (Sayana Commentary)
शतसाः गवां शतस्य संभक्ता संसहस्रं गवां सहस्रेणच संयुतः द्विबर्हा द्वाभ्यां विद्याकर्मभ्यां बृहन् वसिष्ठाः द्वयोः स्थानयोर्द्युलोकयोः महान्वा तथा च यास्कः-द्विबर्हा द्वयोः स्थानयोः परिवृढइति । इदं वचः इदं स्तोत्रं अग्नये उज्जनिषीष्ट उदजीजनत् । किंतदित्यतआह यद्वचः द्युमत् दीप्तिमत् यशस्करमित्यर्थः अमीवचातनं रोगाणां निवारकं रक्षोहा रक्षसां हंतृ च स्तोतृभ्यः आपये तद्बंधवे पुत्रादिकायापि शं सुखदं भवाति भवेत् ॥ ६ ॥