इ॒मामु॒ षु सोम᳚सुति॒मुप᳚ न॒ एन्द्रा᳚ग्नी सौमन॒साय᳚ यातम् ।
नू चि॒द्धि प᳚रिम॒म्नाथे᳚ अ॒स्माना वां॒ शश्व᳚द्भिर्ववृतीय॒ वाजै᳚ः ॥
नू चि॒द्धि प᳚रिम॒म्नाथे᳚ अ॒स्माना वां॒ शश्व᳚द्भिर्ववृतीय॒ वाजै᳚ः ॥
पदपाठः (Word-by-word)
इ॒माम् । ऊं॒ इति᳚ । सु । सोम᳚॑सुति᳚म् । उप᳚ । नः॒ । आ । इ॒न्द्रा॒ग्नी॒ इति᳚ । सौ॒म॒न॒साय᳚ । या॒त॒म् ।
नु । चि॒त् । हि । प॒रि॒म॒म्नाथे॒ इति᳚ प॒रि॒॑म॒म्नाथे᳚ । अ॒स्मान् । आ । वा॒म् । शश्व᳚त्॑भिः । व॒वृ॒ती॒य॒ । वाजैः᳚ ॥
नु । चि॒त् । हि । प॒रि॒म॒म्नाथे॒ इति᳚ प॒रि॒॑म॒म्नाथे᳚ । अ॒स्मान् । आ । वा॒म् । शश्व᳚त्॑भिः । व॒वृ॒ती॒य॒ । वाजैः᳚ ॥
सायणभाष्यम् (Sayana Commentary)
हे इन्द्राग्नी इमामु इमामेव नोस्मदीयां सोमसुतिं सोमाभिषवक्रियां सौमनसाय सुमनसोभावाय सु सुष्ठु उपायातम् उपागच्छतम् । अपिच युवां अस्मान् परित्यज्य नूचित् नैव मम्नाथे अन्यान् न मन्येथे । अस्मानेव सर्वदा बुध्येथे । हि यस्मादेवं तस्मात् वां युवां शश्वद्भिर्बहुभिर्वाजैरन्नैर्हविर्लक्षणैः आववृतीय आवर्तयामि ॥ ६ ॥