वेत्य᳚ध्व॒र्युः प॒थिभी॒ रजि᳚ष्ठै॒ः प्रति᳚ ह॒व्यानि᳚ वी॒तये᳚ ।
अधा᳚ नियुत्व उ॒भय᳚स्य नः पिब॒ शुचिं॒ सोमं॒ गवा᳚शिरम् ॥
अधा᳚ नियुत्व उ॒भय᳚स्य नः पिब॒ शुचिं॒ सोमं॒ गवा᳚शिरम् ॥
पदपाठः (Word-by-word)
वेति᳚ । अ॒ध्व॒र्युः । प॒थि॑भिः᳚ । रजि᳚ष्ठैः । प्रति᳚ । ह॒व्यानि᳚ । वी॒तये᳚ ।
अध᳚ । नि॒यु॒त्वः॒ । उ॒भय᳚स्य । नः॒ । पि॒ब॒ । शुचि᳚म् । सोम᳚म् । गो॑आ᳚शिरम् ॥
अध᳚ । नि॒यु॒त्वः॒ । उ॒भय᳚स्य । नः॒ । पि॒ब॒ । शुचि᳚म् । सोम᳚म् । गो॑आ᳚शिरम् ॥
सायणभाष्यम् (Sayana Commentary)
हे नियुत्वः नियुत्संज्ञकाश्ववन्वायो अध्वर्युः हविर्धानात् रजिष्ठैः ऋजुतमैः पथिभिर्मार्गैः वेतिगच्छति वीतये भक्षणाय । तव भक्षणानि हव्यानि हवींषिच प्रतिनयतीतिशेषः । अध अथ नोस्माकं संबन्धिनं उभयस्य उभयविधं सोमं कर्मणिषष्ठी पिब । उभयविधत्वं दर्शयति शुचिं शुद्धं सोमं गवाशिरं गव्येन पयसा मिश्रितं चेति ॥ १० ॥