मा॒ता रु॒द्राणां᳚ दुहि॒ता वसू᳚नां॒ स्वसा᳚दि॒त्याना᳚म॒मृत᳚स्य॒ नाभि᳚ः ।
प्र नु वो᳚चं चिकि॒तुषे॒ जना᳚य॒ मा गामना᳚गा॒मदि᳚तिं वधिष्ट ॥
प्र नु वो᳚चं चिकि॒तुषे॒ जना᳚य॒ मा गामना᳚गा॒मदि᳚तिं वधिष्ट ॥
पदपाठः (Word-by-word)
मा॒ता । रु॒द्राणा᳚म् । दु॒हि॒ता । वसू᳚नाम् । स्वसा᳚ । आ॒दि॒त्याना᳚म् । अ॒मृत᳚स्य । नाभिः᳚ ।
प्र । नु । वो॒च॒म् । चि॒कि॒तुषे᳚ । जना᳚य । मा । गाम् । अना᳚गाम् । अदि᳚तिम् । व॒धि॒ष्ट॒ ॥
प्र । नु । वो॒च॒म् । चि॒कि॒तुषे᳚ । जना᳚य । मा । गाम् । अना᳚गाम् । अदि᳚तिम् । व॒धि॒ष्ट॒ ॥
सायणभाष्यम् (Sayana Commentary)
अस्मिन् द्वृचे गौःस्तूयते-या गौः रुद्राणां रुद्रपुत्राणां मरुतां माता जननी वसूनां दुहिता पुत्री आदित्यानां स्वसा भगिनी अमृतस्य पयसोनाभिः आवासस्थानं तां अनागां अनागसं अदितिमदीनां गां गोरुपां देवीं मावधिष्ट हे जना माहिंसिष्टेति चिकितुषे चेतनावते जनाय नु इदानीं प्रवोचं अहं प्रावोचमिति शुश्रूषमाणेभ्यउपदेशः ॥ १५ ॥