प्र मि॒त्राय॒ प्रार्य॒म्णे स᳚च॒थ्य᳚मृतावसो ।
व॒रू॒थ्यं१॒᳚ वरु᳚णे॒ छन्द्यं॒ वचः᳚ स्तो॒त्रं राज᳚सु गायत ॥
व॒रू॒थ्यं१॒᳚ वरु᳚णे॒ छन्द्यं॒ वचः᳚ स्तो॒त्रं राज᳚सु गायत ॥
पदपाठः (Word-by-word)
प्र । मि॒त्राय᳚ । प्र । अ॒र्य॒म्णे । स॒च॒थ्य᳚म् । ऋ॒त॒व॒सो॒ इत्यृ᳚त॑वसो ।
व॒रू॒थ्य᳚म् । वरु᳚णे । छन्द्य᳚म् । वचः᳚ । स्तो॒त्रम् । राज᳚॑सु । गा॒य॒त॒ ॥
व॒रू॒थ्य᳚म् । वरु᳚णे । छन्द्य᳚म् । वचः᳚ । स्तो॒त्रम् । राज᳚॑सु । गा॒य॒त॒ ॥
सायणभाष्यम् (Sayana Commentary)
हे ऋतवसो यज्ञधन मित्राय सचथ्यं सेवार्हं वरूथ्यं यज्ञगृहभवं च स्तोत्रं प्रगायत प्रकर्षेण गायत अर्यम्णेच प्रगायत वरुणे छन्द्यं प्रीणनसाधनं चैतादृशं वचः प्रगायत । प्रगायतेति बहुवचनं पूजार्थम् । एतदेव दर्शयति राजसु मित्रादिषु राजसु स्तोत्रं गायत पठत मित्रादीन् त्रीन् राज्ञः स्तुतेति समुदायार्थः ॥ ५ ॥