आ मे॒ वचां॒स्युद्य᳚ता द्यु॒मत्त᳚मानि॒ कर्त्वा᳚ ।
उ॒भा या᳚तं नासत्या स॒जोष᳚सा॒ प्रति᳚ ह॒व्यानि᳚ वी॒तये᳚ ॥
उ॒भा या᳚तं नासत्या स॒जोष᳚सा॒ प्रति᳚ ह॒व्यानि᳚ वी॒तये᳚ ॥
पदपाठः (Word-by-word)
आ । मे॒ । वचां᳚सि । उत्॑य᳚ता । द्यु॒मत्॑त᳚मानि । कर्त्वा᳚ ।
उ॒भा । या॒त॒म् । ना॒स॒त्या॒ । स॒॑जोष᳚सा । प्रति᳚ । ह॒व्यानि᳚ । वी॒तये᳚ ॥
उ॒भा । या॒त॒म् । ना॒स॒त्या॒ । स॒॑जोष᳚सा । प्रति᳚ । ह॒व्यानि᳚ । वी॒तये᳚ ॥
सायणभाष्यम् (Sayana Commentary)
हे नासत्या नासत्यौ सत्यस्य प्रणेतारौ सजोषसा संगतौ उभा उभौ युवां मे जमदग्नेर्मम उद्यता उद्यतानि द्युमत्तमानि दीप्ततमानि वचांसि स्तोत्ररूपाणि वाक्यानि कर्त्वा कर्माणि चायातम् । किंच हव्यानि हवींषि वीतये भक्षणाय प्रतिगच्छतम् ॥ ७ ॥