यद्वा᳚ शक्र परा॒वति᳚ समु॒द्रे अधि॒ मन्द᳚से ।
अ॒स्माक॒मित्सु॒ते र᳚णा॒ समिन्दु᳚भिः ॥
अ॒स्माक॒मित्सु॒ते र᳚णा॒ समिन्दु᳚भिः ॥
पदपाठः (Word-by-word)
यत् । वा॒ । श॒क्र॒ । प॒रा॒॑वति᳚ । स॒मु॒द्रे । अधि᳚ । मन्द᳚से ।
अ॒स्माक᳚म् । इत् । सु॒ते । र॒ण॒ । सम् । इन्दु᳚॑भिः ॥
अ॒स्माक᳚म् । इत् । सु॒ते । र॒ण॒ । सम् । इन्दु᳚॑भिः ॥
सायणभाष्यम् (Sayana Commentary)
हे शक्रेन्द्र परावति परागते दूरदेशे समुद्रे समुन्दनशीले सोमे अधिः सप्तम्यर्थानुवादी यद्वा यदिवा मन्दसे माद्यसि तथापि अस्माकमित् अस्माकमेव सोमेभिषुते सति इन्दुभिः सोमरसैः संरण सम्यग्रमस्व ॥ १७ ॥