यदि᳚ प्रवृद्ध सत्पते स॒हस्रं᳚ महि॒षा{4} अघः᳚ ।
आदित्त᳚ इन्द्रि॒यं महि॒ प्र वा᳚वृधे ॥
आदित्त᳚ इन्द्रि॒यं महि॒ प्र वा᳚वृधे ॥
पदपाठः (Word-by-word)
यदि᳚ । प्र॒॑वृ॒द्ध॒ । स॒त्॑प॒ते॒ । स॒हस्र᳚म् । म॒हि॒षान् । अघः᳚ ।
आत् । इत् । ते॒ । इ॒न्द्रि॒यम् । महि᳚ । प्र । व॒वृ॒धे॒ ॥
आत् । इत् । ते॒ । इ॒न्द्रि॒यम् । महि᳚ । प्र । व॒वृ॒धे॒ ॥
सायणभाष्यम् (Sayana Commentary)
हे प्रवृध्द प्रकर्षेणमहन् हे सत्पते सतामनुष्ठातृणां पालयितरिन्द्र सहस्त्रं सहस्त्रसंख्याकान् महिषान्महन्नामैतत् महतोसुरान् वृत्रादीन् यदि यदा अघः अवधीः हन्तेश्छान्दसमेतद्रूपम् । यद्वा घसॢ अदने लुङिसिपि मन्त्रेघसेति ल्चेर्लुक् । आदित् अनंतरमेव हे इन्द्र ते तव इन्द्रियं वीर्यं महि महद्व- हुलं सत्प्रवावृधे प्रकर्षेण वर्धते ॥ ८ ॥