य॒दा ते᳚ हर्य॒ता हरी᳚ वावृ॒धाते᳚ दि॒वेदि᳚वे ।
आदित्ते॒ विश्वा॒ भुव᳚नानि येमिरे ॥
आदित्ते॒ विश्वा॒ भुव᳚नानि येमिरे ॥
पदपाठः (Word-by-word)
य॒दा । ते॒ । ह॒र्य॒ता । हरी॒ इति᳚ । व॒वृ॒धाते॒ इति᳚ । दि॒वे॑दि᳚वे ।
आत् । इत् । ते॒ । विश्वा᳚ । भुव᳚नानि । ये॒मि॒रे॒ ॥
आत् । इत् । ते॒ । विश्वा᳚ । भुव᳚नानि । ये॒मि॒रे॒ ॥
सायणभाष्यम् (Sayana Commentary)
हे इन्द्र त्वदीयौ हर्यता हर्यतौ कांतौ हरी हरणशीलावश्वौ दिवेदिवे प्रतिदिवसं यदा यस्मिन्काले ववृधाते प्रवृध्दौ बभूवतुः । आदित् अनंतरमेव ते त्वया विश्वा विश्वानि सर्वाणि भुवनानि भूतजातानि येमिरे नियम्यन्तेस्म ॥ २८ ॥