येना॒ दश᳚ग्व॒मध्रि᳚गुं वे॒पय᳚न्तं॒ स्व᳚र्णरम् ।
येना᳚ समु॒द्रमावि᳚था॒ तमी᳚महे ॥
येना᳚ समु॒द्रमावि᳚था॒ तमी᳚महे ॥
पदपाठः (Word-by-word)
येन᳚ । दश᳚॑ग्वम् । अध्रि᳚॑गुम् । वे॒पय᳚न्तम् । स्वः᳚॑नरम् ।
येन᳚ । स॒मु॒द्रम् । आवि᳚थ । तम् । ई॒म॒हे॒ ॥
येन᳚ । स॒मु॒द्रम् । आवि᳚थ । तम् । ई॒म॒हे॒ ॥
सायणभाष्यम् (Sayana Commentary)
हे इन्द्र येन सोमपानजनितेन मदेन दशग्वं ये दशभिर्मासैः सत्रासनं परिसमाप्य निरगमन् ते दशग्वा अंगिरसः । तेषामन्यतमं अध्रिगुं अधृतगमनं अनिवारितगतिं एतत्संज्ञंच ऋषिं वेपयंतं तमांसि वर्जयंतं स्वर्णरं सर्वस्य नेतारं सूर्यं च आविथ वृत्रादेर्दस्योरपनयनेन ररक्षिथ । येनच मदेन समुद्रमुदधिं अंतरिक्षं वा आविथ ररक्षिथ त्वदीयं मदं तद्वंतं त्वां वा ईमहे याचामहे । मदे हि सति हृष्टःसन् इन्द्रोबहुधनं प्रयच्छति अतस्तत्कारणस्य मदस्य याञ्चोपपन्ना ॥ २ ॥