यो नो᳚ दे॒वः प᳚रा॒वतः᳚ सखित्व॒नाय᳚ माम॒हे ।
दि॒वो न वृ॒ष्टिं प्र॒थय᳚न्व॒वक्षि᳚थ ॥
दि॒वो न वृ॒ष्टिं प्र॒थय᳚न्व॒वक्षि᳚थ ॥
पदपाठः (Word-by-word)
यः । नः॒ । दे॒वः । प॒रा॒॑वतः᳚ । स॒खि॒॑त्व॒नाय᳚ । म॒म॒हे ।
दि॒वः । न । वृ॒ष्टिम् । प्र॒थय᳚न् । व॒वक्षि᳚थ ॥
दि॒वः । न । वृ॒ष्टिम् । प्र॒थय᳚न् । व॒वक्षि᳚थ ॥
सायणभाष्यम् (Sayana Commentary)
योनोदेवो दानादिगुणयुक्तइंद्रः पराक्तः परावतात् दूरात् द्युलोकादागत्य नोस्माकं सखित्वनाय सखित्वाय मामहे धनानि प्रददौ मंहतेर्दानक- र्मणएतद्रूपम् । यद्वा अस्माभिः पूज्यते महपूजायाम् अस्माच्छान्दसः कर्मणिलिट् । उत्तरार्धर्चः प्रत्यक्षकृतः हे इन्द्र दिवोन वृष्टिं दिवः सकाशात् वृष्टिमिव प्रथयन् अस्मदीयानि धनानि विस्तारयन् यस्त्वं ववक्षिथ अस्मान्वोदुमिच्छसि तादृशं त्वां स्तौमीति शेषः ॥ ६ ॥