तत्सु न॒ः शर्म᳚ यच्छ॒तादि᳚त्या॒ यन्मुमो᳚चति ।
एन᳚स्वन्तं चि॒देन᳚सः सुदानवः ॥
एन᳚स्वन्तं चि॒देन᳚सः सुदानवः ॥
पदपाठः (Word-by-word)
तत् । सु । नः॒ । शर्म᳚ । य॒च्छ॒त॒ । आदि᳚त्याः । यत् । मुमो᳚चति ।
एन᳚स्वन्तम् । चि॒त् । एन᳚सः । सु॒॑दा॒न॒वः॒ ॥
एन᳚स्वन्तम् । चि॒त् । एन᳚सः । सु॒॑दा॒न॒वः॒ ॥
सायणभाष्यम् (Sayana Commentary)
हे आदित्याः तच्छर्म सुखं नोस्मभ्यं सु सुष्ठु यच्छत दत्त । हे सुदानवः शोभनदानाः युष्मदीयं यच्छर्म एनस्वंतं चित् पापिनमपि स्तोतारं एनसः पापत् मुमोचति मोचयति तद्यच्छतेत्यन्वयः ॥ १२ ॥