पा॒क॒त्रा स्थ᳚न देवा हृ॒त्सु जा᳚नीथ॒ मर्त्य᳚म् ।
उप᳚ द्व॒युं चाद्व᳚युं च वसवः ॥
उप᳚ द्व॒युं चाद्व᳚युं च वसवः ॥
पदपाठः (Word-by-word)
पा॒क॒॑त्रा । स्थ॒न॒ । दे॒वाः॒ । हृ॒त्॑सु । जा॒नी॒थ॒ । मर्त्य᳚म् ।
उप᳚ । द्व॒युम् । च॒ । अद्व᳚युम् । च॒ । व॒स॒वः॒ ॥
उप᳚ । द्व॒युम् । च॒ । अद्व᳚युम् । च॒ । व॒स॒वः॒ ॥
सायणभाष्यम् (Sayana Commentary)
हे देवा दानादिगुणयुक्ता आदित्यायूयं पाकत्रा पाकेषु विपक्कप्रज्ञेषु स्तोतृषु स्थन भवथ । यद्वा प्रथमार्थेत्राप्रत्ययः पाकत्राः पाकाः परिपक्कज्ञानाः भवथ । यतएवं अतः कारणात् हृत्सु आत्मीयेषु हृदयेषु द्वयुं द्विप्रकारयुक्तं कपटिनं च अद्वयुं च तद्विलक्षणं कापटचरहितं च मर्त्थं मनुष्यं उपेत्य हे वसवोवासका जानिथ अवगच्छथ ॥ १५ ॥