समित्तम॒घम᳚श्नवद्दु॒ःशंसं॒ मर्त्यं᳚ रि॒पुम् ।
यो अ᳚स्म॒त्रा दु॒र्हणा᳚वा{4}॒ उप᳚ द्व॒युः ॥
यो अ᳚स्म॒त्रा दु॒र्हणा᳚वा{4}॒ उप᳚ द्व॒युः ॥
पदपाठः (Word-by-word)
सम् । इत् । तम् । अ॒घम् । अ॒श्न॒व॒त् । दुः॒॑शंस᳚म् । मर्त्य᳚म् । रि॒पुम् ।
यः । अ॒स्म॒॑त्रा । दुः॒॑हना᳚वान् । उप᳚ । द्व॒युः ॥
यः । अ॒स्म॒॑त्रा । दुः॒॑हना᳚वान् । उप᳚ । द्व॒युः ॥
सायणभाष्यम् (Sayana Commentary)
दुःशंसं दुष्कीर्ति रिपुं शत्रुं तं मर्त्थं मनुष्यं इत् एवमघं पापं समश्र्नवत् सम्यग्व्याप्नोतु । योमर्त्यः अस्मत्रा अस्मासु अस्मद्विषये दुर्हणावान् दुष्टहन- नवानुपजायते द्वयुः द्वाभ्यां प्रकाराभ्यां युक्तश्च भवति । अयमर्थः-प्रत्यक्षकृतोहितं वदति परोक्षकृतोहितं वदति परोक्षकृतस्त्वहितं तादृशः कपटो- द्वयुरित्युच्यते यश्चास्मद्विषये कपटोभवति तमपि पापं व्याप्नोत्विति ॥ १४ ॥