शिशा᳚नो वृष॒भो य᳚था॒ग्निः शृङ्गे॒ दवि᳚ध्वत् ।
ति॒ग्मा अ᳚स्य॒ हन᳚वो॒ न प्र᳚ति॒धृषे᳚ सु॒जम्भ॒ः सह᳚सो य॒हुः ॥
ति॒ग्मा अ᳚स्य॒ हन᳚वो॒ न प्र᳚ति॒धृषे᳚ सु॒जम्भ॒ः सह᳚सो य॒हुः ॥
पदपाठः (Word-by-word)
शिशा᳚नः । वृ॒ष॒भः । य॒था॒ । अ॒ग्निः । शृङ्गे॒ इति᳚ । दवि᳚ध्वत् ।
ति॒ग्माः । अ॒स्य॒ । हन᳚वः । न । प्र॒ति॒॑धृषे᳚ । सु॒॑जम्भः᳚ । सह᳚सः । य॒हुः ॥
ति॒ग्माः । अ॒स्य॒ । हन᳚वः । न । प्र॒ति॒॑धृषे᳚ । सु॒॑जम्भः᳚ । सह᳚सः । य॒हुः ॥
सायणभाष्यम् (Sayana Commentary)
अयमग्निः शृंगे शिशानः तीक्ष्णीकुर्वन् वृषभोयथा दविध्वत् कंपयति शिरः एवं शृङ्गस्थानीया ज्वालाः शिशानस्तीक्ष्णीकुर्वन् दविध्वत् कम्पयति शिरः । अस्याग्नेर्हनवोन हनवइव हनुस्थानीयाज्वालाः तिग्माः तीक्ष्णा नप्रतिधृषे प्रतिधर्षितुमशक्याः । योग्निः सुजम्भः सुदंष्ट्रः सहसोयहुः सहस- स्पुत्रः अस्य हनवइत्यर्थः ॥ १३ ॥