पा॒हि नो᳚ अग्न॒ एक᳚या पा॒ह्यु१॒᳚त द्वि॒तीय᳚या ।
पा॒हि गी॒र्भिस्ति॒सृभि᳚रूर्जां पते पा॒हि च᳚त॒सृभि᳚र्वसो ॥
पा॒हि गी॒र्भिस्ति॒सृभि᳚रूर्जां पते पा॒हि च᳚त॒सृभि᳚र्वसो ॥
पदपाठः (Word-by-word)
पा॒हि । नः॒ । अ॒ग्ने॒ । एक᳚या । पा॒हि । उ॒त । द्वि॒तीय᳚या ।
पा॒हि । गीः॒॑भिः । ति॒सृ॑भिः᳚ । ऊ॒र्जा॒म् । प॒ते॒ । पा॒हि । च॒त॒सृ॑भिः᳚ । व॒सो॒ इति᳚ ॥
पा॒हि । गीः॒॑भिः । ति॒सृ॑भिः᳚ । ऊ॒र्जा॒म् । प॒ते॒ । पा॒हि । च॒त॒सृ॑भिः᳚ । व॒सो॒ इति᳚ ॥
सायणभाष्यम् (Sayana Commentary)
हे अग्ने नोस्मानेकया ऋचा गिरा पाहि रक्ष । उतापिच द्वितीयया ऋचा पाहि पालय पाहि तिसृभिर्गीर्भिरूर्जामन्नानां बलानां वा पते स्वामिन् । तथा पाहि चतसृभिः गीर्भिः हे वसोवासकाग्ने ॥ ९ ॥