केते᳚न॒ शर्म᳚न्त्सचते सुषा॒मण्यग्ने॒ तुभ्यं᳚ चिकि॒त्वना᳚ ।
इ॒ष॒ण्यया᳚ नः पुरु॒रूप॒मा भ᳚र॒ वाजं॒ नेदि᳚ष्ठमू॒तये᳚ ॥
इ॒ष॒ण्यया᳚ नः पुरु॒रूप॒मा भ᳚र॒ वाजं॒ नेदि᳚ष्ठमू॒तये᳚ ॥
पदपाठः (Word-by-word)
केते᳚न । शर्म᳚न् । स॒च॒ते॒ । सु॒॑सा॒मनि᳚ । अग्ने᳚ । तुभ्य᳚म् । चि॒कि॒त्वना᳚ ।
इ॒ष॒ण्यया᳚ । नः॒ । पु॒रु॒॑रूप᳚म् । आ । भ॒र॒ । वाज᳚म् । नेदि᳚ष्ठम् । ऊ॒तये᳚ ॥
इ॒ष॒ण्यया᳚ । नः॒ । पु॒रु॒॑रूप᳚म् । आ । भ॒र॒ । वाज᳚म् । नेदि᳚ष्ठम् । ऊ॒तये᳚ ॥
सायणभाष्यम् (Sayana Commentary)
हे अग्ने तुभ्यं चिकित्वना चिकितुषा जनेन होत्रादिना सह यजमानः केतेन प्रज्ञापकेन स्तोत्रेण यजतइतिशेषः । कुत्रेति तदुच्यते-सुषामणि शोभ- नरथन्तरादिसामोपेते शर्मन् शर्मणि सुखसाधने यज्ञे । अतः हे अग्ने इषण्यया इच्छया स्वीयया नोस्मभ्यं पुरुरूपं नानारूपं नेदिष्ठं अन्तिके सर्वदा वर्तमानं वाजमन्नं ऊतये रक्षणायाभराहर ॥ १८ ॥