अच्छा॒ हि त्वा᳚ सहसः सूनो अङ्गिर॒ः स्रुच॒श्चर᳚न्त्यध्व॒रे ।
ऊ॒र्जो नपा᳚तं घृ॒तके᳚शमीमहे॒॑ग्निं य॒ज्ञेषु᳚ पू॒र्व्यम् ॥
ऊ॒र्जो नपा᳚तं घृ॒तके᳚शमीमहे॒॑ग्निं य॒ज्ञेषु᳚ पू॒र्व्यम् ॥
पदपाठः (Word-by-word)
अच्छ᳚ । हि । त्वा॒ । स॒ह॒सः॒ । सू॒नो॒ इति᳚ । अ॒ङ्गि॒रः॒ । स्रुचः᳚ । चर᳚न्ति । अ॒ध्व॒रे ।
ऊ॒र्जः । नपा᳚तम् । घृ॒त॑के᳚शम् । ई॒म॒हे॒ । अ॒ग्निम् । य॒ज्ञेषु᳚ । पू॒र्व्यम् ॥
ऊ॒र्जः । नपा᳚तम् । घृ॒त॑के᳚शम् । ई॒म॒हे॒ । अ॒ग्निम् । य॒ज्ञेषु᳚ । पू॒र्व्यम् ॥
सायणभाष्यम् (Sayana Commentary)
हे सहसःसूनो बलस्यपुत्र बलेन मथ्यमानत्वात् हे अंगिरः अंगिरसां मध्ये एक अथवांगतिर्गतिकर्मा सर्वत्र संगतस्त्वा त्वां अध्वरे यागे अच्छाभिप्राप्तुं स्रुचश्चरन्ति गच्छन्ति अत ऊर्जोन्नस्य नपातं न पातयितारं रक्षकं बलस्य नप्तारं वा घृतकेशं प्रदीप्तकेशस्थानीयज्वालं पूर्व्यं पुरातनं पूरकं वाग्निं य- ज्ञेषु अस्मदीयेषु ईमहे स्तौमि ॥ २ ॥