दु॒र्गे चि᳚न्नः सु॒गं कृ᳚धि गृणा॒न इ᳚न्द्र गिर्वणः ।
त्वं च᳚ मघव॒न्वशः᳚ ॥
त्वं च᳚ मघव॒न्वशः᳚ ॥
पदपाठः (Word-by-word)
दुः॒॑गे । चि॒त् । नः॒ । सु॒॑गम् । कृ॒धि॒ । गृ॒णा॒नः । इ॒न्द्र॒ । गि॒र्व॒णः॒ ।
त्वम् । च॒ । म॒घ॒॑व॒न् । वशः᳚ ॥
त्वम् । च॒ । म॒घ॒॑व॒न् । वशः᳚ ॥
सायणभाष्यम् (Sayana Commentary)
हे गिर्वणः गीर्भिर्वननीयेन्द्र गृणानः स्तोतृभिः स्तूयमानस्त्वं नोस्माकं दुर्गेचित् दुर्गमेपि मार्गे सुगं सुगमं पन्थानं कृधि तथाकुरु । हेमघवन् धनव- न्निन्द्र त्वं चशब्दश्चेदर्थे यदि वशः सोमपानार्थं तत्प्रदातॄनस्मान् कामयेथाः तदा पन्थानं शोभनगमनं कुरुष्व वष्टेर्लेट्यडागमः चशब्दयोगाद- निघातः ॥ १० ॥