अधा᳚ ते॒ अप्र᳚तिष्कुतं दे॒वी शुष्मं᳚ सपर्यतः ।
उ॒भे सु᳚शिप्र॒ रोद᳚सी ॥
उ॒भे सु᳚शिप्र॒ रोद᳚सी ॥
पदपाठः (Word-by-word)
अध᳚ । ते॒ । अप्र᳚ति॑स्कुतम् । दे॒वी इति᳚ । शुष्म᳚म् । स॒प॒र्य॒तः॒ ।
उ॒भे इति᳚ । सु॒॑शि॒प्र॒ । रोद᳚सी॒ इति᳚ ॥
उ॒भे इति᳚ । सु॒॑शि॒प्र॒ । रोद᳚सी॒ इति᳚ ॥
सायणभाष्यम् (Sayana Commentary)
/ हे सुशिप्र सुहनो शोभनशिरस्त्राणेन्द्र अधापिच देवी देव्यै । स्वतेजसा दीप्यमाने उभेरोदसी द्यावापृथिव्यौ अप्रतिष्कुतं स्कुइति सौत्रोधातुः स्तंभनेवर्तते शत्रुभिरप्रतिरोधनीयं ते त्वदीयं शुष्मं परबलशोषकं बलं सपर्यतः पूजयतः त्वदधीनेएव भवतः ॥ १२ ॥