उप᳚ नो॒ हरि᳚भिः सु॒तं या॒हि म᳚दानां पते ।
उप᳚ नो॒ हरि᳚भिः सु॒तम् ॥
उप᳚ नो॒ हरि᳚भिः सु॒तम् ॥
पदपाठः (Word-by-word)
उप᳚ । नः॒ । हरि᳚॑भिः । सु॒तम् । या॒हि । म॒दा॒ना॒म् । प॒ते॒ ।
उप᳚ । नः॒ । हरि᳚॑भिः । सु॒तम् ॥
उप᳚ । नः॒ । हरि᳚॑भिः । सु॒तम् ॥
सायणभाष्यम् (Sayana Commentary)
हे मदानांपते माद्यन्तेनेनेति मदाः सोमाः मदोनुपसर्गे इति करणे अप् प्रत्ययः सोमानां स्वामिन्निन्द्र हरिभिः । आशतेनहरिभिरित्यादिषु । बहूनामश्वानां श्रुतेरत्रापि शतसहस्रसंख्याकैरश्वैः सह नोस्माकं यज्ञे सुतमभिषुतं सोममुपयाहि तत्पानार्थं शीघ्रमायाहि पुनरुपनइत्यादरार्थः ॥ ३१ ॥