भ॒द्रम्भ᳚द्रं न॒ आ भ॒रेष॒मूर्जं᳚ शतक्रतो ।
यदि᳚न्द्र मृ॒ळया᳚सि नः ॥
यदि᳚न्द्र मृ॒ळया᳚सि नः ॥
पदपाठः (Word-by-word)
भ॒द्रम्॑भ᳚द्रम् । नः॒ । आ । भ॒र॒ । इष᳚म् । ऊर्ज᳚म् । श॒त॒क्र॒तो॒ इति᳚ शत॑क्रतो ।
यत् । इ॒न्द्र॒ । मृ॒ळया᳚सि । नः॒ ॥
यत् । इ॒न्द्र॒ । मृ॒ळया᳚सि । नः॒ ॥
सायणभाष्यम् (Sayana Commentary)
हे शतक्रतो शतविधकर्मन् शतप्रज्ञवा इन्द्र भद्रंभद्रं कल्याणतमं अथ सुखोत्पादकंवा धनं नोस्मभ्यमाभर आसंपादय देहि । तथा इषमन्नं ऊर्जमन्नरसं यद्वा बलवदन्नंच देहि नोस्मान् यद्यदि मृळयासि सुखयसि तर्हि तत् धनादिकं देहीति । मृळसुखने ण्यन्तस्य लेट्यडागमः ॥ २८ ॥