प्रि॒यास॒ इत्ते᳚ मघवन्न॒भिष्टौ॒ नरो᳚ मदेम शर॒णे सखा᳚यः ।
नि तु॒र्वशं॒ नि याद्वं᳚ शिशीह्यतिथि॒ग्वाय॒ शंस्यं᳚ करि॒ष्यन् ॥
नि तु॒र्वशं॒ नि याद्वं᳚ शिशीह्यतिथि॒ग्वाय॒ शंस्यं᳚ करि॒ष्यन् ॥
पदपाठः (Word-by-word)
प्रि॒यासः᳚ । इत् । ते॒ । म॒घ॒॑व॒न् । अ॒भिष्टौ᳚ । नरः᳚ । म॒दे॒म॒ । श॒र॒णे । सखा᳚यः ।
नि । तु॒र्वश᳚म् । नि । याद्व᳚म् । शि॒शी॒हि॒ । अ॒ति॒थि॒॑ग्वाय᳚ । शंस्य᳚म् । क॒रि॒ष्यन् ॥
नि । तु॒र्वश᳚म् । नि । याद्व᳚म् । शि॒शी॒हि॒ । अ॒ति॒थि॒॑ग्वाय᳚ । शंस्य᳚म् । क॒रि॒ष्यन् ॥
सायणभाष्यम् (Sayana Commentary)
हे मघवन् धनवन्निन्द्र ते तवाभिष्टावभ्येषणे नरःस्तोत्राणां नेतारो वयं सखायः समानख्यातयः प्रियासः प्रियाश्च सन्तः शरणे इत् गृहे एव मदेम मोदेम । किं च अतिथिग्वाय पूजयातिथीन् गच्छतीत्यतिथिग्वः तस्मै सुदासे दिवोदासाय वास्मदीयाय राज्ञे शंस्यं शंसनीयं सुखं करिष्यन् कुर्वन् तुर्वशं राजानं निशिशीहि वशं कुरु याद्वं च राजानं नि शिशीहीत्यर्थः ॥ ८ ॥