वि यस्य᳚ ते पृथि॒व्यां पाजो॒ अश्रे᳚त्तृ॒षु यदन्ना᳚ स॒मवृ᳚क्त॒ जम्भै᳚ः ।
सेने᳚व सृ॒ष्टा प्रसि᳚तिष्ट एति॒ यवं॒ न द᳚स्म जु॒ह्वा᳚ विवेक्षि ॥
सेने᳚व सृ॒ष्टा प्रसि᳚तिष्ट एति॒ यवं॒ न द᳚स्म जु॒ह्वा᳚ विवेक्षि ॥
पदपाठः (Word-by-word)
वि । यस्य᳚ । ते॒ । पृ॒थि॒व्याम् । पाजः᳚ । अश्रे᳚त् । तृ॒षु । यत् । अन्ना᳚ । स॒म्॑अवृ᳚क्त । जम्भैः᳚ ।
सेना᳚॑इव । सृ॒ष्टा । प्र॑सि᳚तिः । ते॒ । ए॒ति॒ । यव᳚म् । न । द॒स्म॒ । जु॒ह्वा᳚ । वि॒वे॒क्षि॒ ॥
सेना᳚॑इव । सृ॒ष्टा । प्र॑सि᳚तिः । ते॒ । ए॒ति॒ । यव᳚म् । न । द॒स्म॒ । जु॒ह्वा᳚ । वि॒वे॒क्षि॒ ॥
सायणभाष्यम् (Sayana Commentary)
हे अग्ने यस्य दावरूपस्य ते तव पाजस्तेजः पृथिव्यां भूम्यां तृषु क्षिप्रं व्यश्रेत् विश्रयति यद्यदा अन्नानि काष्ठादीनि ज्ंभैर्दन्तैः ज्वालाभिरित्यर्थःसमवृक्त वृंक्ते खादति तथा सेनेव सृष्टा उद्युक्ता ते तव प्रसितिर्ज्वाला एति गच्छति । दस्म हे दर्शनीयाग्ने त्वं यवंन यवमिव जुह्वा ज्वालयाविवेक्षि काष्ठादीनि भक्षयसि व्याप्नोषि वा ॥ ४ ॥