आ शु᳚भ्रा यातमश्विना॒ स्वश्वा॒ गिरो᳚ दस्रा जुजुषा॒णा यु॒वाको᳚ः ।
ह॒व्यानि᳚ च॒ प्रति᳚भृता वी॒तं नः᳚ ॥
ह॒व्यानि᳚ च॒ प्रति᳚भृता वी॒तं नः᳚ ॥
पदपाठः (Word-by-word)
आ । शु॒भ्रा॒ । या॒त॒म् । अ॒श्वि॒ना॒ । सु॒॑अश्वा᳚ । गिरः᳚ । द॒स्रा॒ । जु॒जु॒षा॒णा । यु॒वाकोः᳚ ।
ह॒व्यानि᳚ । च॒ । प्रति᳚॑भृता । वी॒तम् । नः॒ ॥
ह॒व्यानि᳚ । च॒ । प्रति᳚॑भृता । वी॒तम् । नः॒ ॥
सायणभाष्यम् (Sayana Commentary)
हे शुभ्रा दीप्तौ स्वश्वा शोभनाश्वौ हे अश्विना अश्विनौ आयातमस्मद्यज्ञमागच्छतम् दस्रा शत्रूणां उपक्षपयितारौ युवां युवाकोर्युवां कामय- मानस्य मम गिरः स्तुतीर्जुजुषाणा सेवमानौ भवतमितिशेषः न केवलं स्तुतिं किंतु नोस्मदीयानि प्रतिभृता संभृतानि हव्यानि हवींषि च वीतं भक्षयतम् ॥ १ ॥
प्रवामन्धांसीत्येषा आश्विनस्त्रयाज्या सूत्रितंच-प्रवामन्धांसिगद्यान्यस्थुरुभापिबतमश्विनेति याज्येति ।