प्र वां॒ रथो॒ मनो᳚जवा इयर्ति ति॒रो रजां᳚स्यश्विना श॒तोति᳚ः ।
अ॒स्मभ्यं᳚ सूर्यावसू इया॒नः ॥
अ॒स्मभ्यं᳚ सूर्यावसू इया॒नः ॥
पदपाठः (Word-by-word)
प्र । वा॒म् । रथः᳚ । मनः᳚॑जवाः । इ॒य॒र्ति॒ । ति॒रः । रजां᳚सि । अ॒श्वि॒ना॒ । श॒त॑ऊ᳚तिः ।
अ॒स्मभ्य᳚म् । सू॒र्या॒व॒सू॒ इति᳚ । इ॒या॒नः ॥
अ॒स्मभ्य᳚म् । सू॒र्या॒व॒सू॒ इति᳚ । इ॒या॒नः ॥
सायणभाष्यम् (Sayana Commentary)
हे सूर्यावसू सूर्यायाः सह रथे वसन्तौ हे अश्विना अशिनौ वां युवयोरथः अस्मभ्यमस्मदर्थं इयानोयाच्यमानः सन् इयर्ति आगच्छति अस्मद्यज्ञं अथवा वां प्रेरयति गमनाय । की दृशोरथः मनोजवाः मनोवेगः शतोतिरपरिमितास्मद्विषयरक्षणः । किंकुर्वन् रजांसि लोकान् तिरस्तिरस्कृत्य अतिक्रम्य इयर्तीति ॥ ३ ॥