प्र वा॒मन्धां᳚सि॒ मद्या᳚न्यस्थु॒ररं᳚ गन्तं ह॒विषो᳚ वी॒तये᳚ मे ।
ति॒रो अ॒र्यो हव᳚नानि श्रु॒तं नः᳚ ॥
ति॒रो अ॒र्यो हव᳚नानि श्रु॒तं नः᳚ ॥
पदपाठः (Word-by-word)
प्र । वा॒म् । अन्धां᳚सि । मद्या᳚नि । अ॒स्थुः॒ । अर᳚म् । ग॒न्त॒म् । ह॒विषः᳚ । वी॒तये᳚ । मे॒ ।
ति॒रः । अ॒र्यः । हव᳚नानि । श्रु॒तम् । नः॒ ॥
ति॒रः । अ॒र्यः । हव᳚नानि । श्रु॒तम् । नः॒ ॥
सायणभाष्यम् (Sayana Commentary)
हे अश्विनौ वां युवाभ्यां मद्यानि मदजनकानि अन्धांसि सोमलक्षणान्यन्नानि प्रास्थुः प्रास्थिषत गृहीतान्यासन्नित्यर्थः अतोयुवां मे मम हविषोवीतये पानाय अरं अत्यर्थं शीघ्रं गन्तं आगच्छतम् अर्यः अरेः अन्स्मद्विरोधिनोहवनानि तिरस्तिरस्कृत्य नोस्मदाह्वानमित्यर्थः तत् श्रुतं शृणुतं श्रुतमित्यस्य वाक्यादित्वादनिघातः ॥ २ ॥