अ॒यं ह॒ यद्वां᳚ देव॒या उ॒ अद्रि᳚रू॒र्ध्वो विव᳚क्ति सोम॒सुद्यु॒वभ्या᳚म् ।
आ व॒ल्गू विप्रो᳚ ववृतीत ह॒व्यैः ॥
आ व॒ल्गू विप्रो᳚ ववृतीत ह॒व्यैः ॥
पदपाठः (Word-by-word)
अ॒यम् । ह॒ । यत् । वा॒म् । दे॒व॒॑याः । ऊं॒ इति᳚ । अद्रिः᳚ । ऊ॒र्ध्वः । विव᳚क्ति । सो॒म॒॑सुत् । यु॒व॑भ्या᳚म् ।
आ । व॒ल्गू इति᳚ । विप्रः᳚ । व॒वृ॒ती॒त॒ । ह॒व्यैः ॥
आ । व॒ल्गू इति᳚ । विप्रः᳚ । व॒वृ॒ती॒त॒ । ह॒व्यैः ॥
सायणभाष्यम् (Sayana Commentary)
यद्यदा वां युवां प्रति देवयाः देवौ युवां कामयमानः ह उ इति पूरणौ अयमद्रिरभिषवग्रावा सोमसुत् सोममभिषुण्वन् युवभ्यां युवाभ्या- मर्थाय अभिषुण्वन्निति संबन्धः एवं कुर्वन् ऊर्ध्वउन्नतः सन् विवक्ति उच्चैः शब्दयति तदानीं वल्गू सुन्दरौ युवां विप्रोमेधावी यजमानो- हव्यैर्हविर्भिः आववृतीत आवर्तयति ॥ ४ ॥