अच्छा᳚ नो॒ अङ्गि᳚रस्तमं य॒ज्ञासो᳚ यन्तु सं॒यतः᳚ ।
होता॒ यो अस्ति᳚ वि॒क्ष्वा य॒शस्त᳚मः ॥
होता॒ यो अस्ति᳚ वि॒क्ष्वा य॒शस्त᳚मः ॥
पदपाठः (Word-by-word)
अच्छ᳚ । नः॒ । अङ्गि᳚रः॑तमम् । य॒ज्ञासः᳚ । य॒न्तु॒ । स॒म्॑यतः᳚ ।
होता᳚ । यः । अस्ति᳚ । वि॒क्षु । आ । य॒शः॑त᳚मः ॥
होता᳚ । यः । अस्ति᳚ । वि॒क्षु । आ । य॒शः॑त᳚मः ॥
सायणभाष्यम् (Sayana Commentary)
संयतः स्रुगादिभिः नियताः नोस्माकं यज्ञासोयज्ञाः अंगिरस्तमं अंगिरसां विशिष्टं अग्निमच्छाभिमुख्येन च यन्तु गच्छंतु । योग्निः विक्षु मनुष्येषु होता होमनिष्पादकःसन् आ सर्वतः यशस्तमः लुप्तमत्वर्थीयः यशस्वितमोस्ति भवति तमग्निं यन्त्वित्यन्वयः ॥ १० ॥