उ॒शना᳚ का॒व्यस्त्वा॒ नि होता᳚रमसादयत् ।
आ॒य॒जिं त्वा॒ मन᳚वे जा॒तवे᳚दसम् ॥
आ॒य॒जिं त्वा॒ मन᳚वे जा॒तवे᳚दसम् ॥
पदपाठः (Word-by-word)
उ॒शना᳚ । का॒व्यः । त्वा॒ । नि । होता᳚रम् । अ॒सा॒द॒य॒त् ।
आ॒॑य॒जिम् । त्वा॒ । मन᳚वे । जा॒त॑वे᳚दसम् ॥
आ॒॑य॒जिम् । त्वा॒ । मन᳚वे । जा॒त॑वे᳚दसम् ॥
सायणभाष्यम् (Sayana Commentary)
हे अग्ने काव्यः कविपुत्रउशना एतन्नामकऋषिः मनवे राज्ञे तस्य गृहइत्यर्थः आयजिं आभिमुख्येन यष्टारं जातवेदसं जातप्रज्ञं त्वा त्वां पुनस्त्वाशब्द- आदरार्थः त्वामेव होतारं होमनिष्पादकं न्यसादयत् नितरामुपावेशयत् ॥ १७ ॥