त्वं व᳚रो सु॒षाम्णे॑ग्ने॒ जना᳚य चोदय ।
सदा᳚ वसो रा॒तिं य᳚विष्ठ॒ शश्व᳚ते ॥
सदा᳚ वसो रा॒तिं य᳚विष्ठ॒ शश्व᳚ते ॥
पदपाठः (Word-by-word)
त्वम् । व॒रो॒ इति᳚ । सु॒॑षाम्णे᳚ । अग्ने᳚ । जना᳚य । चो॒द॒य॒ ।
सदा᳚ । व॒सो॒ इति᳚ । रा॒तिम् । य॒वि॒ष्ठ॒ । शश्व᳚ते ॥
सदा᳚ । व॒सो॒ इति᳚ । रा॒तिम् । य॒वि॒ष्ठ॒ । शश्व᳚ते ॥
सायणभाष्यम् (Sayana Commentary)
वरो सर्वैर्वरणीय वसो शत्रूणां वासयितः यविष्ठ पुनःपुनर्जायमानत्वेन युवतम हे अग्ने त्वं सुषाम्णे सुसाम्ने सुषामादित्वात् षत्वं त्वत्प्रसादात् शोभ- नसामवते शश्वते बहवे जनाय प्रादुर्भूताय स्तोतृणां सदा सर्वदा रातिं धनादिकं चोदय प्रेरय ॥ २८ ॥