व्य᳚श्वस्त्वा वसु॒विद᳚मुक्ष॒ण्युर᳚प्रीणा॒दृषि᳚ः ।
म॒हो रा॒ये तमु᳚ त्वा॒ समि᳚धीमहि ॥
म॒हो रा॒ये तमु᳚ त्वा॒ समि᳚धीमहि ॥
पदपाठः (Word-by-word)
वि॑अ᳚श्वः । त्वा॒ । व॒सु॒॑विद᳚म् । उ॒क्ष॒ण्युः । अ॒प्री॒णा॒त् । ऋषिः᳚ ।
म॒हः । रा॒ये । तम् । ऊं॒ इति᳚ । त्वा॒ । सम् । इ॒धी॒म॒हि॒ ॥
म॒हः । रा॒ये । तम् । ऊं॒ इति᳚ । त्वा॒ । सम् । इ॒धी॒म॒हि॒ ॥
सायणभाष्यम् (Sayana Commentary)
उक्षण्युः धनानांसेक्तारमात्मनइच्छन् यद्वा वृष्टिसेक्तारमिच्छन् व्यश्वऋषिः एतन्नामकोममपिता वसुविदं वसूनां धनानां लंभकं त्वा त्वामप्रीणात् धनादिप्राप्त्यर्थं हविर्भिःअतोषयत् । तथा वयमपि महोमहते राये धनाय तमु तथाविधमेव त्वा त्वां समिधीमहि सम्यगाज्यादिहविर्भिर्दीपयेम ॥ १६ ॥