अग्ने᳚ या॒हि सु᳚श॒स्तिभि᳚र्ह॒व्या जुह्वा᳚न आनु॒षक् ।
यथा᳚ दू॒तो ब॒भूथ᳚ हव्य॒वाह᳚नः ॥
यथा᳚ दू॒तो ब॒भूथ᳚ हव्य॒वाह᳚नः ॥
पदपाठः (Word-by-word)
अग्ने᳚ । या॒हि । सु॒श॒स्ति॑भिः᳚ । ह॒व्या । जुह्वा᳚नः । आ॒नु॒षक् ।
यथा᳚ । दू॒तः । ब॒भूथ᳚ । ह॒व्य॒॑वाह᳚नः ॥
यथा᳚ । दू॒तः । ब॒भूथ᳚ । ह॒व्य॒॑वाह᳚नः ॥
सायणभाष्यम् (Sayana Commentary)
हे अग्ने आनुषक् अनुषक्तं यथाभवति तथा हव्या हव्यानि हवनयोग्यान्यन्नानि जुह्वानः जुह्वन् देवेभ्यःप्रयच्छन् त्वं सुशस्तिभिः शोभनैः स्तोत्रैःसह याहि देवानां हविःप्रदानार्थं गच्छ । अस्य हविःप्रदातृत्वं कथमित्याशंक्याह-यथा त्वं हव्यवाहनः हविषां वोढा देवानां दूतोबभूथ भवसि तथा जुह्वानइत्यन्वयः ॥ ६ ॥