श्रु॒ष्ट्य᳚ग्ने॒ नव᳚स्य मे॒ स्तोम᳚स्य वीर विश्पते ।
नि मा॒यिन॒स्तपु᳚षा र॒क्षसो᳚ दह ॥
नि मा॒यिन॒स्तपु᳚षा र॒क्षसो᳚ दह ॥
पदपाठः (Word-by-word)
श्रु॒ष्टी । अ॒ग्ने॒ । नव᳚स्य । मे॒ । स्तोम᳚स्य । वी॒र॒ । वि॒श्प॒ते॒ ।
नि । मा॒यिनः᳚ । तपु᳚षा । र॒क्षसः᳚ । द॒ह॒ ॥
नि । मा॒यिनः᳚ । तपु᳚षा । र॒क्षसः᳚ । द॒ह॒ ॥
सायणभाष्यम् (Sayana Commentary)
हे वीर शत्रूणां विनाशयितः वीर्यवन् विश्पते विशां पालयितः हे अग्ने नवस्य इदानीं क्रियमाणत्वान्नूतनं मे मदीयं स्तोमस्य स्तोत्रशस्त्रादिकं श्रुष्टी श्रुत्वा मायिनोमायाविनोरक्षसः कर्मविघ्नकारिणोराक्षसान् तपुषा तापकेन तेजसा निदह नितरां भस्मीकुरु । श्रुष्टी स्नात्व्यादयश्चेति निपातितःवका- रलोपश्छान्दसः ॥ १४ ॥