तत्त्वा᳚ यामि सु॒वीर्यं॒ तद्ब्रह्म᳚ पू॒र्वचि᳚त्तये ।
येना॒ यति᳚भ्यो॒ भृग᳚वे॒ धने᳚ हि॒ते येन॒ प्रस्क᳚ण्व॒मावि᳚थ ॥
येना॒ यति᳚भ्यो॒ भृग᳚वे॒ धने᳚ हि॒ते येन॒ प्रस्क᳚ण्व॒मावि᳚थ ॥
पदपाठः (Word-by-word)
तत् । त्वा॒ । या॒मि॒ । सु॒॑वीर्य᳚म् । तत् । ब्रह्म᳚ । पू॒र्व॑चि᳚त्तये ।
येन᳚ । यति᳚॑भ्यः । भृग᳚वे । धने᳚ । हि॒ते । येन᳚ । प्रस्क᳚ण्वम् । आवि᳚थ ॥
येन᳚ । यति᳚॑भ्यः । भृग᳚वे । धने᳚ । हि॒ते । येन᳚ । प्रस्क᳚ण्वम् । आवि᳚थ ॥
सायणभाष्यम् (Sayana Commentary)
हे इन्द्र तत्सुवीर्यं शोभनवीर्यं त्वा त्वां यामि याचामि छान्दसोवर्णलोपः । तथा तद्ब्रह्मपरिवृढमन्नं पूर्वचित्तये पूर्वप्रज्ञानाय अन्येभ्यः पूर्वमेव लाभाय त्वां याचामि धने हिते अभीष्टे सति येन सुवीर्येण यतिभ्यः कर्मसूपरतेभ्यः अयष्टृभ्योजनेभ्यः सकाशाद्धनमाहृत्य भृगवे महर्षये प्रयच्छसि । यद्वा कर्मसु नियताअङ्गिरसोयतयः तेषामर्थं धनं प्रयच्छसि तादर्थ्येचतुर्थी येनच ब्रह्मणा प्रस्कण्वं कण्वप्रभवं कण्वस्य पुत्रमृषिं आविथ ररक्षिथ तदुभयं याचामीत्यन्वयः ॥ ९ ॥