यदे᳚षाम॒न्यो अ॒न्यस्य॒ वाचं᳚ शा॒क्तस्ये᳚व॒ वद᳚ति॒ शिक्ष᳚माणः ।
सर्वं॒ तदे᳚षां स॒मृधे᳚व॒ पर्व॒ यत्सु॒वाचो॒ वद᳚थ॒नाध्य॒प्सु ॥
सर्वं॒ तदे᳚षां स॒मृधे᳚व॒ पर्व॒ यत्सु॒वाचो॒ वद᳚थ॒नाध्य॒प्सु ॥
पदपाठः (Word-by-word)
यत् । ए॒षा॒म् । अ॒न्यः । अ॒न्यस्य᳚ । वाच᳚म् । शा॒क्तस्य᳚॑इव । वद᳚ति । शिक्ष᳚माणः ।
सर्व᳚म् । तत् । ए॒षा॒म् । स॒मृधा᳚॑इव । पर्व᳚ । यत् । सु॒॑वाचः᳚ । वद᳚थन । अधि᳚ । अ॒प्॑सु ॥
सर्व᳚म् । तत् । ए॒षा॒म् । स॒मृधा᳚॑इव । पर्व᳚ । यत् । सु॒॑वाचः᳚ । वद᳚थन । अधि᳚ । अ॒प्॑सु ॥
सायणभाष्यम् (Sayana Commentary)
हे मण्डूकाः यद्यदा एषां युष्माकं मध्ये अन्योमण्डूकः अन्यस्य मण्डूकस्य वाचं वदत्यनुवदति अनुकरोति शिक्षमाणः शिक्ष्यमाणः शिष्यः शाक्तस्येव शक्तिमतः शिक्षकस्य वाचं यथा अनुवदति तद्वत् । यत् यदा च सुवाचः शोभवाचोयूयं सर्वे अप्सु वृष्टेपूदकेषु अध्युपरिप्लवन्तः वदथन वदत शब्दंकुरुत तत्तदा एषां युष्माकं सर्वं पर्व परुष्मत् शरीरं समृधेव समृद्धमेव अविकलावयवमेव भवति इव शब्दोवधारणे घर्मकाले मृद्भावमापन्नामण्डूकाः पुनर्वर्षणे सति अविकलांगाः प्रादुर्भवन्तीत्यर्थः ॥ ५ ॥