गोमा᳚यु॒रेको᳚ अ॒जमा᳚यु॒रेक॒ः पृश्नि॒रेको॒ हरि᳚त॒ एक᳚ एषाम् ।
स॒मा॒नं नाम॒ बिभ्र᳚तो॒ विरू᳚पाः पुरु॒त्रा वाचं᳚ पिपिशु॒र्वद᳚न्तः ॥
स॒मा॒नं नाम॒ बिभ्र᳚तो॒ विरू᳚पाः पुरु॒त्रा वाचं᳚ पिपिशु॒र्वद᳚न्तः ॥
पदपाठः (Word-by-word)
गो॑मा᳚युः । एकः᳚ । अ॒ज॑मा᳚युः । एकः᳚ । पृश्निः᳚ । एकः᳚ । हरि᳚तः । एकः᳚ । ए॒षा॒म् ।
स॒मा॒नम् । नाम᳚ । बिभ्र᳚तः । वि॑रू᳚पाः । पु॒रु॒॑त्रा । वाच᳚म् । पि॒पि॒शुः॒ । वद᳚न्तः ॥
स॒मा॒नम् । नाम᳚ । बिभ्र᳚तः । वि॑रू᳚पाः । पु॒रु॒॑त्रा । वाच᳚म् । पि॒पि॒शुः॒ । वद᳚न्तः ॥
सायणभाष्यम् (Sayana Commentary)
एषां मण्डूकानां मध्ये एकोमण्डूकः गोमायुः गोरिव मायुः शब्दोयस्य तादृशोभवति एकः अन्योमण्डूकः अजमायुः अजस्य मायुरिव मायुर्यस्य तादृशोभवति एकः पृश्निः पृश्निवर्णः एकोपरः हरितो हरितवर्णः एवं विरूपानानारूपाअपि समानमेकं मण्डूकाइति नाम बि- भ्रतोधारयन्तः पुरुत्रा बहुषु देशेषु वाचं वदन्तः शब्दं कुर्वन्तः पिपिशुः अवयवी भवन्ति प्रादुर्भवन्ति पिशअवयवे पुरुशब्दाद्देवमनुष्येत्या- दिनात्राप्रत्ययः ॥ ६ ॥