दे॒वहि᳚तिं जुगुपुर्द्वाद॒शस्य᳚ ऋ॒तुं नरो॒ न प्र मि᳚नन्त्ये॒ते ।
सं॒व॒त्स॒रे प्रा॒वृष्याग᳚तायां त॒प्ता घ॒र्मा अ᳚श्नुवते विस॒र्गम् ॥
सं॒व॒त्स॒रे प्रा॒वृष्याग᳚तायां त॒प्ता घ॒र्मा अ᳚श्नुवते विस॒र्गम् ॥
पदपाठः (Word-by-word)
दे॒व॑हि᳚तिम् । जु॒गु॒पुः॒ । द्वा॒द॒शस्य᳚ । ऋ॒तुम् । नरः᳚ । न । प्र । मि॒न॒न्ति॒ । ए॒ते ।
सं॒व॒त्स॒रे । प्रा॒वृषि᳚ । आ॑ग᳚तायाम् । त॒प्ताः । घ॒र्माः । अ॒श्नु॒व॒ते॒ । वि॒॑स॒र्गम् ॥
सं॒व॒त्स॒रे । प्रा॒वृषि᳚ । आ॑ग᳚तायाम् । त॒प्ताः । घ॒र्माः । अ॒श्नु॒व॒ते॒ । वि॒॑स॒र्गम् ॥
सायणभाष्यम् (Sayana Commentary)
नरोनेतारएते मण्डूकाः देवहितिं देवैः कृतं विधानं अस्यर्तोरयं धर्मइत्येवं रूपं जुगुपुर्गोपायन्ति काले काले रक्षन्ति अतएव द्वादशस्य द्वादशमासात्मकस्य संवत्सरस्य ऋतुं तं तं वसन्तादिकं नप्रमिनन्ति न हिंसन्ति पर्जन्यस्तुतेरनुमोदनेन तत्तत्काले वृष्टिहेतवोभवन्ती- त्यर्थः । संवत्सरे संपूर्णे प्रवृषि वर्षर्तौ आगतायामागते सति घर्माः पूर्वं घर्मकाले वर्तमानास्तप्ताः तापेन पीडिताः सम्प्रति विसर्गं विसर्जनं बिलान्मोचनं अश्नुवते प्राप्नुवन्ति ॥ ९ ॥