स॒त्रे ह᳚ जा॒तावि᳚षि॒ता नमो᳚भिः कु॒म्भे रेतः᳚ सिषिचतुः समा॒नम् ।
ततो᳚ ह॒ मान॒ उदि᳚याय॒ मध्या॒त्ततो᳚ जा॒तमृषि᳚माहु॒र्वसि᳚ष्ठम् ॥
ततो᳚ ह॒ मान॒ उदि᳚याय॒ मध्या॒त्ततो᳚ जा॒तमृषि᳚माहु॒र्वसि᳚ष्ठम् ॥
पदपाठः (Word-by-word)
स॒त्रे । ह॒ । जा॒तौ । इ॒षि॒ता । नमः᳚॑भिः । कु॒म्भे । रेतः᳚ । सि॒सि॒च॒तुः॒ । स॒मा॒नम् ।
ततः᳚ । ह॒ । मानः᳚ । उत् । इ॒या॒य॒ । मध्या᳚त् । ततः᳚ । जा॒तम् । ऋषि᳚म् । आ॒हुः॒ । वसि᳚ष्ठम् ॥
ततः᳚ । ह॒ । मानः᳚ । उत् । इ॒या॒य॒ । मध्या᳚त् । ततः᳚ । जा॒तम् । ऋषि᳚म् । आ॒हुः॒ । वसि᳚ष्ठम् ॥
सायणभाष्यम् (Sayana Commentary)
सत्रे बहुकर्तृके यागे हेतिपूरणः जातौ दीक्षितौ मित्रावरुणौ इषिताध्येषितौ स्वयमन्यैर्जनैर्नमोभिः स्तुतिभिः कुंभेवासतीवरे कलशे समा- नमेकदैव रेतः सिषिचतुः असिंचतां ततोवासतीवरात् कुंभात् मध्यादगस्त्योमानः शमीप्रमाणउदियाय प्रादुर्बभूव ततएव कुंभाद्वसिष्ठम- प्यषिंजातमाहुः हेतिपूरणः ॥ १३ ॥